Am!nâs ǂurusiba hōhō!nâs ge ǁkhauba tsî ǁaeb ai!â ǀaena ra ǂanǂui

Selma Shipweya

OUTAPI – Am!nâs ǂurusib !nandi ge ǁaeb ai!â ǀaena ǁkhaubas tsî ǂanǂuis hirihiri!nâdi ǀkha Omusatib a ǂhabase a ǁaxa, Namibiab !Hū!nāsi Am!nâs ǂUrusib Hoho!nâs Wekheb !nâ. Nē wekheb di ǁgūbas ge ǀhûhâsiga ǁkhawa hōhō!nâsa, am!nâs tsî -ǁgûn di ǂurusib di ǂhâǂhâsasiba, tsî nēs ǀkha ǁaeb mâ hîa ǂurusib !khaiga sari tsî mario!nâse ǀae!khōhesa. 

Dana ǁgûǀaedī-aob, Omusatis ǀKharisi ǀAwemā!nans ǂUrusib Direktorats !nâb, Dr Afro-Latin Namakalub ra mîsa !oa da ge am!nâs tsî ǁgûn di ǂurusiba !nāsase hoa!nâ-aixa ǂurusib !auga mâ xū-i ase  ra mû, nē !âb kaise ǀgūse sa hoa!nâ-aixa ǂurusib ǀkha a !gaeǁaresa hîa. Namakukub ge ge mî, dorektorats ge ǁnaetisa ǀaeǁgâub tawa ra dīhe ǀae!khōdi ǀguiti ose, xawe !kharaga ǂurusib !nânde !am–are tsî ǀhûhâsigu -ga a ǂoa-ū !khaisa. Koro !khaiden ge haka ǂurusib !âgu Omusati ǀkharib digu a ǂhabase ge ǁgauǂui, ǀgamra Outapis, ǀguisa Okajaos, ǀguisa Tsandis tsî ǀguisa Oshikukus !nâ. Nē ǂurusib hoho!nâdi ge sao rana gere dī; hoa!nâ-aixa ǂurusib ǁgau!nâs, am!nâs !nâ ra dīhe !âidi, ǂhanuse tsî ǂgaoǀkhāsa ǀnōb ai ǁgûna !anus tsî mâtits hoa am!nâsa ǀaena xu a ǁkhauba ǁkhā !khais di ǀawemādi tsîna. 

Dr Namakulub ge am!nâs !numis di ǂharo ra !gôagu tsîna gere ǀgomǀgom!gao, am!nâs tsî ǁgûn di ǀaen ǁaeb ai!ân ga tsoatsoas ǀnai ǂanǂui tsî ǀae!khōhe tama io, ǁōga a !aroma ǁkhā !khaisa. 

Nē !numisa ra !aromasen ge tabaka ǂgaes, kaise ǂauxûiba sîsenūs hâna, ǀnî !nāde HPV ǀaeb hâna, nau hân xōǀkhā. 

ǁîb ge ǀhûhâsigu ǁanina ra ǂgaoǂgao!nâ, ǁgûna tsēs !nâ ǀgam !nāra, ǁaupexa ǀgam minutkha !anusa ǁgoagas tsî ǁoms ai!âs tsîna. ǁKhāti tsaurase, tā !khamū sa ǁgûna. 

Namakulub noxopa gere ǀawemās ge  suguriba !khōǂgā hâ āxūn, lekern, !nāsa ǂōba !khōǂgā hâ sorosa omkhâi tama ǂûxūna ǀoroǀrosa. 

ǀHûhâsigu ǁaninab ge gere ǁkhauǂui, in tā ǀgaisa tsûb aibe am!nâs !nâ nî hâsa !âu tsî xawe ǁgûn ǀae!khōs ǂurusib !oabade sari aiǁgause ǁgûtsûb, ǁgûna xu ǀaoba ǂoaxas tamas ka io xâihâ apugu, ǀkhamasase mâ tama ǁgûn tamas ka io ais !nâs tamas ka io !nanigu !nâ xâis hân ǂnamipe.

The post Am!nâs ǂurusiba hōhō!nâs ge ǁkhauba tsî ǁaeb ai!â ǀaena ra ǂanǂui appeared first on New Era.