Uuministeli wiikwameni wa fala omayakulo kOshikuku
Victoria Immanuel Uuministeli wiikwameni ekondololo lyokoongamba negameno lyoshigwana otau hiya oshigwana momudhingoloko Oshikuku moshitopolwa shaMusati opo shi longithe ompito yomayakulo taya gandja momauliko giipindi geli metifa mOshikuku. Omugandji gomauyelele omukuluntu muuministeli wiikwameni endololo lyokoongamba osho wo egameno lyoshigwana Magreth Kalo okwa ti otaya gandja omayakulo ga pumbiwa koshigwana momauliko giipindi ngoka ga tameke mo 26... The post Uuministeli wiikwameni wa fala omayakulo kOshikuku appeared first on New Era.
Black News 
Victoria Immanuel
Uuministeli wiikwameni ekondololo lyokoongamba negameno lyoshigwana otau hiya oshigwana momudhingoloko Oshikuku moshitopolwa shaMusati opo shi longithe ompito yomayakulo taya gandja momauliko giipindi geli metifa mOshikuku.
Omugandji gomauyelele omukuluntu muuministeli wiikwameni endololo lyokoongamba osho wo egameno lyoshigwana Magreth Kalo okwa ti otaya gandja omayakulo ga pumbiwa koshigwana momauliko giipindi ngoka ga tameke mo 26 yaSepetemba notaga hulu momasiku gatatu gOkotomba nuumvo mOshikuku.
“Ota tu ganja omayakulo ngaashi oonzapo dhomavalo oompe osho wo okuningulula dhimwe, omayindilo gopassport, omayindilo guuthemba galwe osho wo okugandja uyelele awihe tau pumbiwa koshigwana,” ta fatulula ngaaka.
Kalo okwa ti oyeli momauliko giipindi gOshikuku, nelalakano lyokweeta omayakulo popepi noshigwana osho wo okuya konda omagalu.
Ta ti, olundji ngele taku ningwa omauliko giipindi moshilongo ohaya kutha ombinga oshoka oshigwana ohashi gongala pethimbo ndyoka, onkene ohaya longitha ompito ndyoka okufala omayakulo kuyo.
“Onkene otandi indile oshigwana moshitopolwa shaMusati opo shi longithe ompito ndyoka okuninga omayindilo omanga geya popepi osho wo okupula uuyelele awihe tashi pumbwa,” ta kumagidha ngaaka.
Omawuliko giipindi mondoolopa yaShikuku oge li metifa, ngoka ga kala ko oku za mehuulilo shiwike pehala ta li ithanwa Oshikuku Trade Fair Ground.
Elelo lyondoolopa lyOshikuku olya pititha komalungula kutya iipindi mbyoka oya gongaleka oshigwana oku za kiitopolwa ya yoloka moshilongo.
Ya gwedha po kutya elalakano lyoku eta po omawuliko giipindi mondoolopa yaShikuku oku ulika ehumokomeho lyondoolopa yawo osho wo okugandja ompito kaanangeshefa aashona naanene okuulika iilandithomwa yawo.
Ya ti ompito ndjoka ompito ombwaanawa kaanangeshefa okutaambathana omadhiladhilo ga yooloka nkene ye na okulonga noongeshefa dhawo, oku eta oshimaliwa mondoolopa osho wo oku eta omawuwanawa galwe popepi naakwashigwana uule womasiku ngoka.
The post Uuministeli wiikwameni wa fala omayakulo kOshikuku appeared first on New Era.
