Va ndungikwa okukaleka po oukolele womokanya

Hambeleleni Daniel

Ovanambelewa vouhaku nonghalo nawa moshitukulwa shaShana ova tameka oshikonga shokulonga ovanhu momindingonoko nghene vena okukaleka po oukolele womokanya osho yo oku twa oshiwana omukumo shi diinini okukaleka po ouhaku. 

Oshikonga eshi, oshi li koshi yexuku: “oukolele womokanya noukolele wokolutu”. 

Ovanambelewa ova hovela oshikonga shavo momafiku14 notava ka xuulila fiyo18 Septemba neudo. 

Omupendu mayola wOshakati Mariana Pokolo okwa patulula pambelewa oshikonga eshi ponhele yaNgoloneya woshitukulwa shaShana Hofni Iipinge.

Pokolo okwati ngeenge omayo omafilwa oshisho otashikwafele olutu likale lina oukolele. 

“Okwa ti ngeenge ovanhu tava ehama omayoo ndelo itava yi koshipangelo otava tula eenghalamwenyo davo moshiponga,” Pokolo ta kumaida oshiwana ngaho. 

Pokolo okwa holola yo kutya ovanambelewa ovahala okutandavelifa elongo e li nomeefikola opo ku keelelwe omikifi diye komesho osho yo ku yambule po oilongifo younamiti nopukale pe na ekwatafano lakula pokati koikondo yopaumwene nai yepangelo.

Okwa ti pefimbo loshikonga eshi, otava ka kala tava yandje omakwafo osha li okuwapaleka ovanhu mokanya nokuva pa eetudidoshali,”  Pokolo ta ti.

Ta weda po vali kutya omayakulo momafiku 5 Septemba otaa ka kala e li mOngwediva po Spar nokudja opo otava ka ya mofikola yEluwa Special School.

MEtitatu okwa ti omayakulo otaa ka twikila a yuka kOkagongo Kaangandjela mOshakati, omanga mEtine tava ka talela po kokapangelo kanini kUukwiyu Uushona osho yo kOndangwa.

Pokolo okwa shiivifa kutya omayakulo lwaxuuninwa otaa ka kala pOlunho mOndangwa. 

-hambelelenidaniel56@gmail.com

The post Va ndungikwa okukaleka po oukolele womokanya appeared first on New Era.