Omulumenhu vati a dipawa kovamwainamati

TSUMEB- Ovalumenhu vavali ova kwatwa po eshi vati va denga nomamanya ndele tava tu omumwainamati nombele fiyo ta xulifa.

Oshiningwanima osha ningwa Omaandaxa molukanda Kuvukiland modoolopa ya Tsumeb efimbo loufiku.

Nakufya okwa tongolwa oye David Uiseb omukalimo womolukanda Kuvuiland.

Omukulunhu wopolifi moshitukulwa shaShikoto, Commissioner Ndafudha Iifo okwa koleka onghundana ei onghela.

Opolifi oya hokolola tai ti ovalumenhu ava vatatu ve li ovamwainafana okwa li vaya keendingosho ndele tava tokelwa tava nu omalodu.

Otaku hokololwa kutya eshi ve li mondjila yokundja keendingosho ova tameka okutanguna na nakufya. 

Opolifi oya hokolola tai ti omufekelwa umwe okwa kufa emanya ndele ta denge nakufya ndele te li denge po.

Natango vati, konima yokafimbo omufekelwa 

omutivali okwa kufa mo ombele ndele ta tu nakufya monhulo.

Opolifi oya hokolola tai ti fiyo opapa kape na ouyelele kutya ovamainamati ava ova dipayela shike mukwao.

Otava holoka nena momhangu yamangestrata wa Tsumeb.

Otava pangulilwa oshibofa shedipao.

Opolifi oya kumaida oshiwana opo shi xulife po okutanguna ngeenge sha nwa omalodu ile shi li keendingosho. 

fhamalwa@nepc.com.na  

The post Omulumenhu vati a dipawa kovamwainamati appeared first on New Era.