Eendjidikila delongifo ledu da tambulwa ko mOshana
OSHAKATI – Omutumba wopashiwana owa shaina nokutambula ko omulandu mupe wokulongifa edu moshitukulwa shaShana. Omulandu mupe owa kwatela mo eendjidikila delandifo ledu, eenhele da wapala okudika omaumbo, oulifilo, ounamapya naikwao ya wedwa po. Omulandu mupe owa etwa po melongelo kumwe novaleli voshitukulwa, ngoloneya waShana, oomayola veedolopa dili moshitukulwa osho yo ookansela voikandjohoololo ya yooloka. Omulandu... The post Eendjidikila delongifo ledu da tambulwa ko mOshana appeared first on New Era.
Black News 
OSHAKATI – Omutumba wopashiwana owa shaina nokutambula ko omulandu mupe wokulongifa edu moshitukulwa shaShana.
Omulandu mupe owa kwatela mo eendjidikila delandifo ledu, eenhele da wapala okudika omaumbo, oulifilo, ounamapya naikwao ya wedwa po.
Omulandu mupe owa etwa po melongelo kumwe novaleli voshitukulwa, ngoloneya waShana, oomayola veedolopa dili moshitukulwa osho yo ookansela voikandjohoololo ya yooloka.
Omulandu owa yandjwa pambelewa koshitukulwa Etitano, kuMinista wounamapya nounaimuna, eeshi, omeva nomatalululo omadu Inge Zaamwani.
Pefimbo ta yandje omulandu kovaleli voshitukulwa shaShana, okwa ti nonande momulandu va ninga mo omayooloko a shona onga oilyo yakula yepangelo, omulandu natango otau ka tulwa moilonga ngaashi ovaleli voshitukulwa veu indila.
“Paife otamu ka kala tamu yandje edu melandulafano, pehe na omakuyunguto asha,” Minista ta holola ngaho.
Okwa twikila kutya omulandu mupe otau ka yandja yo okaalita kayela moshitukulwa unene ngeenge tashi ya keyooloko leenhele edi hadi kala oifitukuti osho yo ovanhu.
“Vahapu vomunye omwa tungila unene momashe oifitukuti, sho osho hamu li hange mu na omapya a hanaunwa po koifitukuti,” ta ti.
Zaamwani okwa yelifa kutya omangela ipe yoshitukulwa otai ka yandja okaalita kayelela ovanhu apa vena okudika omaumbo avo, naapa itava dulu okudika.
Okwa ti natango otai ka yandja omhito iwa yokuyoolola eenhele odo di na oulifilo muwa osho yo edu liwa nounamapya opo di kale deli kalekelwa.
“Natango omwa ti omwa hala yo oshitukulwa shi xume komesho meengeshefa. Omangela e i otai ka ulika yo vali eenhele diwa odo tamu dulu oku kala mwa tula omangeshefelo eni,” ta ti.
Minista okwa ti oitukulwa aishe oya teelelwa i pewe eemangela dado. Ta weda po kutya paife okwa nangeka oitukulwa ya fika puihetatu moshilongo.
“Meemwedi dokomesho ohatu ka nangeka pambelewa oitukulwa e i ya xupa ko,” Zaamwani ta yelifa.
Ngoloneya woshitukulwa shaShana Hofni Iipinge okwa holola kutya okwa tambula ko omangela e i. Iipinge okwa udaneka yo oku ka tula omangela e i moilonga osho yo okulongela kumwe novaleli va yooloka moshitukulwa.
The post Eendjidikila delongifo ledu da tambulwa ko mOshana appeared first on New Era.
